Жорий йилнинг 18 сентябр куни Ўзбекистон стандартлаштириш, метрология ва сертификатлаштириш агентлигида Корея халқаро ҳамкорлик бўйича агентлигининг (KOICA) Ўзбекистондаги офиси директори жаноб Сон Сонг Иль ва директор ўринбосари Хан Сонг И хоним билан учрашув бўлиб ўтди.

«Ўзстандарт» агентлиги Бош директори Дилшод Саттаров KOICA нинг Ўзбекистондаги офиси раҳбариятини “Замонавий ахборот технологияларини қўллаш орқали “Ўзстандарт” агентлиги салоҳиятини ошириш ва ривожланиш Бош режасини ишлаб чиқиш” номли лойиҳани амалга оширишда кўрсатаётган амалий ёрдамлари учун миннатдорчилик билдирди.

Сўнг, АКТ ривожлантириш гуруҳи раҳбари Фузулиддин Усманов лойиҳа доирасида олиб борилаётган ишлар тўғрисида тўхталиб ўтди.

Учрашувда лойиҳа доирасида ишлаб чиқилган ахборот тизимини амалиётга жорий қилиш ҳамда унинг расмий ишга тушириш маросимини ўтказиш бўйича ташкилий ва техник масалалар кўриб чиқилди.

Томонлар ўзаро ҳамкорликни янада ривожлантириш ва замонавий ахборот технологияларини жорий қилиш бўйича «Ўзстандарт» агентлиги ва KOICA ўртасида янги лойиҳаларни кўриб чиқишга келишиб олдилар.

Ахборот хизмати