“O‘zstandart” agentligi tizimida O‘zbekiston Respublikasi Prezidentining 2017 yil 28 apreldagi 2935-sonli qaroriga asosan bir qator tizimli ishlar amalga oshirib kelinmoqda.
Jumladan, “Halq bilan muloqot va inson manfiatlari yili” davlat dasturi doirasida Respublika sinov va sertifikatlashtirish markazi tomonidan Toshkent shahrining “Toshkent-tovar”, “Shosh-trans”, “Ark-buloq”, “Keles” bojxona terminallarida tadbirkorlarga xizmat ko‘rsatuvchi sertifikatlashtirish idoralari tashkil etildi. 
Bulardan tashqari O‘zbekiston Respublikasi Prezidentining 2017 yil 21 iyundagi PQ-3077-sonli qaroriga asosan tadbirkorlikni qo‘llab quvvatlash maqsadida joriy yilning 1 iyulidan boshlab muvofiqlik sertifikatini berish 3 ish kunida etib belgilanishi e’tiborga molik. 
“Xalq bilan muloqot va inson manfaatlari yili”da Respublikamizning olis hududdlarida joylashgan o‘lchov vositalarni qabul qilish hamda aholiga qulay metrologik xizmat ko‘rsatish maqsadida 2017-2020 yillar davomida 19 ta (2017 yilda 8 ta, 2018 yilda 3 ta, 2019 yilda 4 ta, 2020 yilda 4 ta) shahobchalar tashkil etish belgilangan.
2017 yil 1-yarim yilligi davomida 7 ta (Qashqadaryoning G‘uzor, Buxoroning Qorako‘l, Jizzaxning Paxtakor, Surxondaryoning Sherobod, Andijonning Qo‘rg‘ontepa, Farg‘onaning Quva, Xorazmning Xazorasp tumanlarida) metrologik xizmatlar ko‘rsatish shahobchalari tashkil etilib, Surxondaryo viloyatining Denov tumanidagi metrologik xizmatlar ko‘rsatish shahobchasi xizmatlar turlari kengaytirildi. 
Shuningdek, 2017 yil II-yarim yilligi davomida2 ta (Jizzax viloyatidagi Mirzacho‘l va Andijon viloyatidagi Baliqchi) tumanlarida shahobchalar tashkil etiladi va 2 ta (Qoraqalpog‘iston Respublikasidagi Ellikqala va Qo‘ng‘irot) tumanda tashkil etilgan shaxobchalarni xizmatlar turlari kengaytiriladi