Joriy yilning 17 noyabr kuni “O‘zstandart” agentligida Agentlik Bosh direktori o‘rinbosari rahbarligida menejment tizimlariga xalqaro darajada tan olinadigan muvofiqlik sertifikatlarini rasmiylashtirish vakolatiga ega sertifikatlashtirish idoralari rahbarlari bilan yig‘ilish o‘tkazildi.
Yig‘ilishda O‘zbekiston Respublikasi Vazirlar Mahkamasining 2015 yil 19 oktyabrdagi 298-son qarori hamda Vazirlar Mahkamasi Rayosati Majlisining 2015 yil 5 dekabrdagi 97-a-son bayoniga muvofiq 2016 yilda korxonalarda menejment tizimlarini joriy etish xolati, shuningdek, sertifikatlashtirish idoralari tomonidan olib borilayotgan ishlar muhokama qilindi.
Yig‘ilish davomida respublika korxonalarining xalqaro bozordagi raqobatbardoshligini oshirish maqsadida menejment tizimlarini joriy etishga, shu jumladan tizimni xalqaro darajada sertifikatlashtirish zarurligi aytib o‘tildi.
Shu bilan birga, sertifikatlashtirish idoralari tomonidan korxonalarda ISO 9001:2015 «Sifat menejmenti tizimi» i ISO 50001:2011 «Energetik menejment tizimi» standartlariga muvofiq menejment tizimlarini keng joriy etish tavsiya etildi.