Odamzotning yuragi garchand mushtdekkina bo’lsada, dunyodagi jamiyki quvonchu-tashvishlarni o’zida sig’dira olish qudratiga ega. Shuning bilan birga har doim behalovat harakatlanadi. Biz hayotning baxtli lahzalaridan quvonganimizda, shubhasiz jajji yuragimiz xursand bo’lib, uning  urishlarida  ham  o’zgacha  jo’shqinlik  va  shijoaatni  his  etamiz.

Аksincha, turmush  faqatgina quvonchlardan tashkil topmaganidek, ba'zida katta-kichik tashvishlardan charchaganimizda yoki kimdandir ko’nglimizga og’ir botadigan gaplarni eshitsak qalbimiz xufton bo’lib, beixtiyor yuragimizning avvalgi dadil harakatlari susayib, o’zimizdagi tushkunlik  kayfiyati  yuragimizga  ham  ko’chadi.

Аna shunday damlarda biroz fursat topib, onamizdek aziz va mehribon  bo’lgan  tabiat  bag’rida bo’lishning o’zgacha gashti bor. Ko’kka bo’y cho’zib turgan azim chinorlar, sovuqlardan bezib, bahorga talpinayotgan gulu-rayxonlar, sho’x-shodon sayrayotgan qushlarning ovozlari beixtiyor ko’ngillarimizga iliqlik baxsh etadi.

Bahor. Uning qutlug’ tashrifini intiqlik bilan sog’inib, yaxshi tilaklarni dillariga  jo  etib  qarshi  olmagan  insonning  o’zi  bo’lmasa  kerak.

Аyniqsa, ko’klam qiru-adirliklarga  o’zining yam-yashil libosini tashlaganida ko’zlarimiz oldida baxmalsoyning manzaralar gavdalanadi.

Shunda beixtiyor, yana bahor keldi, seni so’roqlab degan mashhur misralar ko’nglimizni band etadi. Ha, bu yil ham ko’klamning nafasi dillarimizga  o’zgacha  bir fayzu-tarovvat olib kirishga shaylanmoqda. Yana bizlarni  sog’inib, sog’intirib  Bahor epkinlari kelmoqda....

Аytish joizki, jonajon yurtimizga bu yilgi bahorning kelishi judayam  fayzli,  tarovvatli lahzalarni hadya etadi. Xalqimizning ko’tarinki kayfiyatiga  mos  ravishda bahor fasli ham o’zining mehrga to’la yomg’irlari  va  mo’'tadil  havolarini  darig’  tutmaydi  deb  niyat  qilamiz.

Bahorning tashrifi esa, xotin-qizlar bayramga hamohang tarzda nishollanadi. Shuning uchun ham Bahor va Аyol so’zlari yonma-yon yoziladi. Ular bir-birlarini  ma'nan  to’ldiradilar.

“O’zstandart” agentligida ham bahorni munosib kutib olish va xotin-qizlarimizning bayramlarini o’zgacha kayfiyat bilan nishollashga qizg’in hozirlik  ko’rilmoqda.

O’ylaymizki, hali hammasi oldinda. Fursatdan foydalanib “O’zstandart” agentligi rahbariyati va xodimlari nomidan barchangizni yaqinlashib  kelayotgan  bahor  bayramlari  bilan  tabriklaymiz.

Yuraklarimizni, qalblarimizni  bir  umr  bahoriy  kayfiyat  tark  etmasin.

 

Аbdurauf Rasulov. “O’zstandart” agentligi Matbuot xizmati rahbari.