Bugungi kunda iste’molchilar tomonidan mahsulotning sifati va raqobatbardoshligiga e’tibor berilayotgani hech kimga sir emas. Standart talablari asosida ishlab chiqarilmagan mahsulot nafaqat ichki bozoda balki jahon bozorlarida ham o‘z o‘rniga ega bo‘lmaydi.
“O‘zstandart” agentligining tashabbusi bilan yurtimizda ishlab chiqarilayotgan mahsulotlarni raqobatbardoshligini oshirish hamda ichki bozorni sifatsiz mahsulotlardan himoyalash maqsadida xavfsizlik talablarini belgilovchi 7 ta (moylar, liftlar, gazda ishlaydigan uskunalar, veterinariya dori vositalari, avtomobil va avia yoqilg‘i, portlash xavfi bo‘lgan muhitlarda ishlovchi uskunalar, go‘sht) umumiy texnik reglamentlar, shuningdek, 1 ta (gaz to‘ldirish kompressorlari) maxsus reglament qabul qilinib, ularning umumiy soni 39 taga yetkazildi.