«ЎЗСТАНДАРТ» агентлиги

Ўзбекистон стандартлаштириш, метрология
ва сертификатлаштириш агентлиги

ФУҚАРОЛАРНИНГ  МУРОЖАТЛАРИ

Fuqarolarning murojaati



Юклаб олиш учун ҳавола: (pdf, 45 КB)

01.09.2018й. Ҳолатиги кўра

2018 йил 8 ой учун стандартлаштириш, метрология ва
сертификатлаштириш соҳасидаги ишлар ҳолати тўғрисида

АНАЛИТИК МАЪЛУМОТНОМА

Ўзбекистон стандартлаштириш, метрология ва сертификатлаштириш агентлиги (“Ўзстандарт” агентлиги) техник жиҳатдан тартибга солиш, стандартлаштириш, метрология, сертификатлаштириш ва сифат тизимларини бошқариш масалалари бўйича Ўзбекистон Республикасининг миллий органи ҳисобланади.

“Ўзстандарт” агентлигининг асосий вазифалари:

  • техник жиҳатдан тартибга солиш, стандартлаштириш, метрология, сертификатлаштириш соҳаларида Ўзбекистон Республикасининг “Техник жиҳатдан тартибга солиш тўғрисида”, “Стандартлаштириш тўғрисида”, “Метрология тўғрисида”, “Маҳсулотлар ва хизматларни сертификатлаштириш тўғрисида”, “Мувофиқликни баҳолаш тўғрисида”ги қонунларни ва бошқа қонунчилик ва норматив-ҳуқуқий ҳужжатларни амалий жиҳатдан амалга оширишни таъминлашдан;
  • халқаро стандартларни қўллаш асосида стандартлаштириш, метрология, сертификатлаштириш, маҳсулотнинг сифати ва рақобатбардошлигини ошириш, жумладан сифат тизимини бошқариш ва бошқа соҳаларда ягона давлат сиёсатини амалга оширишдан иборат.

Қонунчилик базасини такомиллаштириш бўйича

Қонунчилик базасини такомиллаштириш мақсадида 2 та Ўзбекистон Республикаси Президентининг Қарори лойиҳаси (ПҚ-3526, BIPM бўйича
ПҚ лойиҳаси), 3 та Вазирлар Маҳкамасининг қарори лойиҳалари ишлаб чиқилди (908-сон 13.11.2017, 21-сон 10.01.2018, 112-сон 15.02.2018) ҳамда 2 та Вазирлар Маҳкамасининг қарорларига ўзгартириш ва қўшимчалар киритилди.

Ўзбекистон Республикаси “Маъмурий жавобгарлик тўғрисидаги Кодексига ўзгартириш ва қўшимчалар киритиш тўғрисида”ги Қонун лойиҳаси ўрнатилган тартибда Олий Мажлис Қонунчилик палатасига киритилди.

Ўзбекистон Республикаси Президентининг ПҚ-3529-сон қарорига мувофиқ “Маҳсулотлар ва хизматларни сертификатлаштириш тўғрисида”ги ва “Техник жиҳатдан тартибга солиш тўғрисида”ги Қонунларига ўзгартириш ва қўшимчалар тайёрланиб, Вазирлар Маҳкамасига киритилди.

Шунингдек, метрология соҳасини халқаро нормалар билан уйғунлаштириш мақсадида Ўзбекистон Республикасининг “Метрология тўғрисида”ги Қонунининг янги таҳрири ишлаб чиқилди ҳамда тегишли вазирлик, идоралар билан келишилиб Вазирлар Маҳкамасига киритилди.

Автотранспорт воситаларининг экспорт салохиятини ошириш, шунингдек, республикада ушбу сохада бажарилаётган синов натижаларини халқаро даражада тан олинишига эришиш мақсадида БМТнинг Европа Иқтисодий Комиссияси ягона ва глобал қоидаларини қўллаш бўйича Битим Ўзбекистон Республикаси Президентининг ПҚ-3526-сон қарори билан ратификация қилинди.

Республикада органик маҳсулотларни ишлаб чиқишни кенгайтириш юзасидан Хукумат қарори лойиҳаси тайёрланиб, Вазирлар Маҳкамасига ва “Ўзбекозиқовқатхолдинг” ХКга киритилди.

Маълумот учун: қарор лойиҳаси келгусида қайта ишлаш ва тегишли вазирлик ва идоралар билан келишиш учун Қишлоқ ҳўжалиги вазирлигига юборилди.

Энергияни тежовчи технологияларни ишлаб чиқарувчи корхоналарни рағбатлантириш мақсадида “Ташкилотни қайта тикланадиган манбалардан энергия ишлаб чиқариш қурилмалари тайёрлашга ихтисослашган ташкилот сифатида идентификациялаш механизми тўғрисидаги Низом” ишлаб чиқилиб, Вазирлар Маҳкамасининг 2017 йил 13 ноябрдаги 908-сон қарори билан тасдиқланди.

Ўзбекистон Республикаси Президентининг 2018 йил 7 февралдаги ПҚ-3514-сон қарорига мувофиқ ички туризмни ривожлантириш, ҳамда юридик шахслар томонидан олиб кирилаётган транспорт воситаларини сертификатлаштиришни соддалаштириш мақсадида Вазирлар Маҳкамасининг 2017 йил 25 апрелдаги 237-сонли қарори билан тасдиқланган Умумий техник регламентга ўзгартириш ва қўшимчалар киритиш бўйича Хукумат қарори лойиҳаси ишлаб чиқилди ҳамда тегишли вазирлик ва идоралар билан келишилиб, Вазирлар Маҳкамасига киритилди.

Шунингдек, хорижий тажрибани (Япония, Корея, МДҲ давлатлари) ўрганган холда тадбиркорлик фаолиятига аралашмаган холда истеъмолчиларни ҳамда ички бозорни хавфсизлиги кафолатланмаган ва сифатсиз маҳсулотлардан химоялаш мақсадида савдодаги маҳсулотларни синовдан ўтказиш тартиби ва сифатсиз маҳсулотлар тўғрисидаги ягона маълумотлар базасани шакллантириш бўйича Низомни тасдиқлаш тўғрисидаги Ҳукумат қарори лойиҳаси ишлаб чиқилди.

Стандартлаштириш ва техник жихатдан тартибга солиш бўйича

Тадбиркорлик субъектларига қулайлик яратиш мақсадида 1 230 та техник жиҳатдан тартибга солиш соҳасидаги амалдаги норматив ҳужжатлар “Ўзстандарт” агентлиги веб-сайтига жойлаштирилди ҳамда уларни бепул юклаб олиш имкони яратилди.

2017-2018 йилларда 1133 та халқаро стандартлар амалиётга жорий этилди. Натижада халқаро стандартларнинг сони 3807 тага етказилди. Жумладан, БМТ Европа иқтисодиёт комиссиясининг мева, сабзавот ва қуритилган қишлоқ ҳўжалик маҳсулотларига тегишли 77 та стандартлари (шулардан, 24 таси мева, 32 таси сабзавот ва полиз экинлари, 21 таси қуритилган маҳсулотлар учун), Халқаро соғлиқни сақлаш ташкилотининг 24 та “Кодекс алиментариус” стандартлари қабул қилинди.

Натижада амалдаги стандартларнинг халқаро талаблар билан уйғунлашганлик даражаси 13 % дан 17,1 %га етказилди.

Маълумот учун: ушбу стандартлар агентликнинг расмий веб-сайтида фойдаланиш учун кенг омма эътиборига хавола этилди. Қўшимча равишда экспортёрларга стандарт талабларини тушунтириш мақсадида 300 дан зиёд семинарлар ўтказилиб, 2000 дан ортиқ консултатив хизматлар кўрсатилди.

“Халол” стандарти қабул қилиниб, сертификатлаштириш идорасининг фаолияти йўлга қўйилди.

Қишлоқ хўжалик маҳсулотларини Европа бозорларига экспорт қилиш имкониятларини кенгайтириш мақсадида халқаро “GlobalG.A.P.” стандарти қабул қилинди.

Ислом давлатлари стандартлаштириш ва метрология институти (SMIIC)га аъзолик келишувини ратификация қилиш бўйича Ўзбекистон Республикаси қонуни лойиҳаси тегишли вазирлик ва идоралар билан келишилиб 2018 йил 30 апрель куни Вазирлар Маҳкамасига киритилди.

2018 йилда Стандартлаштириш, метрология ва сертификатлаштириш бўйича давлатлараро Кегашининг раислиги Ўзбекистон Республикасига топширилиб, жорий йилнинг 26-28 июн кунлари МДҲ давлатларининг Стандартлаштириш, метрология ва сертификатлаштириш бўйича миллий идоралари раҳбарларининг 53-йиғилиши ўтказиш бўйича ишлар ташкиллаштирилмоқда. Ушбу йиғилишда келгуси йилларда ҳамкорликда Стандартлаштириш, метрология ва сертификатлаштириш соҳасида амалга ошириладиган ишлар стратегияси муҳокамаси бўлиб ўтади.

Республикада ишлаб чиқарилаётган маҳсулотларни халқаро талабларга мослаштириш ва тадбиркорлик субъектларига қулайликлар яратиш мақсадида 1102 та ташкилотнинг стандартлари ўрнига 24 та ягона талабларни белгиловчи давлат стандартлари қўринишида ишлаб чиқиш режалаштирилган бўлиб, ҳозирги кунда режа асосида 15 та давлат стандартлари ишлаб чиқилди.

Маълумот учун: қоврулган писта, ёнғоқва нўхотлар маҳсулоти учун 75 та ташкилотнинг стандарти ўрнига 1 та давлат стандарти, санитария – гигеник мақсадлар учун мўлжалланган қоғоз ва қоғоз буюмлари маҳсулоти учун 82 та ташкилотнинг стандарти ўрнига 1 та давлат стандарти ишлаб чиқилмоқда).

Шунингдек, 7 та (мойлар, лифтлар, газда ишлайдиган ускуналар, ветеринария дори воситалари, автомобиль ва авиа ёқилғи, портлаш хавфи бўлган муҳитларда ишловчи ускуналар, гўшт) умумий техник регламентлар ва 1 та (газ тўлдириш компрессорлари) махсус регламент қабул қилиниб, уларнинг умумий сони 39 тага етказилди. Натижада, республикада 1 600 та стандартларни қўлланиши иҳтиёрийликка ўтказилди.

Маҳсулот ва хизматларни сертификатлаштириш ва экспортга кўмаклашиш бўйича

Ўзбекистон Республикаси Президентининг 2017 йил 21 июндаги
ПҚ-3077-сон қарорига мувофиқ мувофиқлик сертификатларини расмийлаштириш муддатлари 3 иш кунигача қисқартирилди.

Ўзбекистон Республикаси Президентининг 2017 йил 7 февралдаги ПФ-4947-сон Фармонига асосан, декларация йўли билан мувофиқлиги тасдиқланадиган маҳсулот турлари 15 тадан 45 тагача оширилди.

“Ўзбекистон Республикаси Давлат божхона хизмати органлари фаолиятини тубдан такомиллаштириш чора-тадбирлари тўғрисида”ги ПФ-5414-сонли Фармон ижросини таъминлаш мақсадида, “Маҳсулотларни сертификатлаштириш қоидалари”га (Адлия вазирлигидан 1458-сон билан рўйхатга олинган) сертификатлаштириш жараёнини соддалаштиришга қаратилган тегишли ўзгартириш ва қўшимчалар киритилди. Мазкур ўзгартириш 2018 йил 1 июлдан бошлаб айнан бир хил товарларга бир ташқи савдо шартномаси (контракт) доирасида мувофиқлик сертификатини бир календарь йилидан ошмаган муддатга бир маротаба тақдим этиш имконини беради.

Европа давлатларига вино маҳсулотларини экспорт қилиш учун
“VI-1 сертификати”ни бериш тизими йўлга қўйилди.

Ўзбекистон Республикасида «Зиёрат туризми» ни ривожлантириш мақсадида, «Ўзстандарт» агентлиги, Туризмни ривожлантириш давлат қўмитаси ва Дин ишлар бўйича қўмитанинг қўшма қарорига мувофиқ, «Ҳалол талаблар асосида маҳсулотлар ва хизматларни ихтиёрий сертификатлаштириш тартиби тўғрисида» ги Низом давлат рўйхатидан ўтказиш учун Адлия вазирлигига киритилди.

Европа давлатларига экспорт қилишда қулай шарт-шароитларни яратиш мақсадида СЕ маркировкани маҳаллий ишлаб чиқарувчилар томонидан қўллаш учун Туркия, Украина, Германия ва Словакия давлатларининг сертификатлаштириш идоралари билан музокаралар ўтказилди ва ҳамда тегишли ташкилотлар билан алоқа ўрнатиш мақсадида Келишув лойиҳалари тайёрланди.

4,34 млрд. сўмлик 81 дона синов ва ўлчаш ускуналари харид қилинди. Натижада, Андижонда автомобил эхтиёт қисмларини, Бухорода кимё ва идиш ювиш маҳсулотларини, Сурхондарёда қишлоқ хўжалиги, мева сабзавот ва қуритилган мева маҳсулотлари ҳамда Самарқандда Бирлашган миллатлар ташкилоти Европа иқтисодиёт комиссияси (ЕЭК ООН)нинг автомобиль маҳсулотларига бўлган 89 та халқаро стандартлари талаблари асосида синаш имкони яратилди.

Хисобот даврида 1256 та корхоналарда сифат менежменти тизимлари жорий этилди ва бундай корхоналар сони 7698 тага етказилди. Шундан, озиқ-овқат маҳсулотларини ишлаб чиқарувчи 27 та корхонада озиқ-овқат маҳсулотлари хавфсизлиги менежменти тизими - ИСО 22000 стандарти жорий қилинди ва уларнинг сони 156 тага етказилди.

Аккредитация бўйича

Экспортёрларга қулайлик яратиш мақсадида 8 та синов лабораториялари ҳалқаро аккредитациядан ўтказилди. Халқаро тан олинган мувофиқликни баҳолаш органлари сони 29 тага (12 та лаборатория, 1 та СИ, 11 та СМТ ва 5 та ПОИ) етказилди. Олиб борилган ишлар натижасида расмийлаштирилган сертификатларнинг 89 та давлатда тан олинишига имкон яратилди.

Маълумот учун: синов натижаларини чет давлатларида тан олинишини таъминлаш борасида 2020 йилгача тизимдаги 14 та синов лабораторияларини халқаро даражада аккредитациядан ўтказиш белгиланган.

Ахборот-коммуникация технологияларини кенг жорий этиш, тадбиркорларга ва аҳолига интерактив хизмат кўрсатиш бўйича

Расмийлаштирилган сертификатлар тўғрисидаги маълумотларни “Ягона дарча” унификациялаштирилган божхона ахборот тизимига ўз вақтида ва тўлиқ ҳажмда киритилиши таъминланди.

Агентлик томонидан “Сертификат” электрон дастури ишлаб чиқилиб, амалиётга тадбиқ этилди ҳамда ҳисоботлар ва Давлат реестрларини он-лайн режимда олиш, келиб тушган аризаларнинг муддатларини назорат қилиш, кўрсатилаётган хизматларни шаффофлиги таъминланди.

Шунингдек, барча сертификатлаштириш идораларида он-лайн аризаларни қабул қилиш тизими жорий этилди.

Метрология бўйича

Миллий эталонлар базасини такомиллаштириш мақсадида Спектрал коэффициенти ўтказувчанлиги ва оптик зичлик ҳамда Ҳарорат эталонлари ҳарид қилиниб уларнинг умумий сони 12 донага етказилди.

Шунингдек, ўлчаш натижаларининг кузатувчанлигини таъминлаш мақсадида биринчи навбатда зарур бўладиган умумий қиймати 667,6 минг долларлик 5 турдаги эталон ва юқори аниқликдаги ўлчов воситаларини харид қилиш бўйича шарнома имзоланган.

Респуликада амалга оширилган ўлчовлар натижаларини халқаро миқёсда тан олинишини таъминлаш мақсадида Ўзбекистон Республикаси Президентининг 2018 йил 12 апрелдаги “Ўзбекистон Республикасининг Ўлчов ва тарозилар бош конференциясининг ассоциациялашган аъзоси мақомини олиши тўғрисида”ги ПҚ-3663-сонли қарори қабул қилинди ва ушбу қарорга мувофиқ аъзо бўлиш бўйича юборилган мурожаат халқаро ташкилот томонидан мақулланди.

Халқаро Атом Энергияси Агентлигининг (МАГАТE) техник ёрдами лойиҳасининг 1-босқичида радиацион ва ядровий хафсизлик соҳасида метроологик таминотни ривожлантириш мақсадида юқори аниқликдаги дозиметр ва спектрометр харид қилиниб лаборатория ташкил этилди. Шунингдек, ушбу лойиҳанинг 2-босқичида ионлаштирувчи ва рентген нурланиш соҳасидаги иккиламчи эталонлар махсус дозиметрик лабораториясини ташкил этиш бўйича ишлар амалга оширилмоқда.

Қорақалпоғистон Республикаси ва вилоятлардаги шаҳар ва туманларда жисмоний ва юридик шахслар билан 44 та сайёр қабуллар ўтказилди.

Ушбу қабулларда келиб тушган мурожаатлар асосида вилоят марказларидан чекка туманларида яшовчи аҳоли ва тадбиркорларга қулайликлар яратиш мақсадида вилоятларнинг чекка туманларида 15 та маиший ҳисоблагичларни қиёслаш шахобчалари ташкил этилиб, уларнинг сони республика бўйича 37 тага етказилди.

Кадрлар тайёрлаш дастури бўйича

“Ўзстандарт” агентлиги тизимидаги мутахассислар малакасини ошириш ҳамда халқаро даражада тайёрлаш мақсадида Корея, Малайзия, Хитой, Туркия, Россия, Германия, Арманистон, Қозоғистон, Беларусь ва Молдова давлатларида 310 нафар мутахассислар амалиёт ўтадилар.

Шунингдек, Хитой Халк Республикасининг “Бир минтақа Бир Макон” дастури асосида 2018 йилда “Озиқ-овқат хавфсизлиги импорт-экспорт назорати”, “Импорт-экспорт қишлок хўжалиги маҳсулотларини назорати”, “Дон ва дон маҳсулотларини қайта ишлаш ва текшириш технологияси” мавзуларида 200 нафар ходимни Хитой Халк Республикасида малакасини ошириш режалаштирилган.

Халқаро ташкилотлардан экспертларни жалб этган ҳолда ўқув семинарлари ташкил этилиб, уларда 50 дан ортиқ мутахассилар иштироки таъминланди. Бунинг натижасида 42 нафар мутахассислар халқаро эксперт-аудиторлик мақомига эга бўлдилар (20 нафар ходим “Ҳалол” стандартлари бўйича SMIIC реестрига, 22 нафар ходим ISO 22000 стандарти бўйича EOQ реестрига киритилди, қолган мутахассисларнинг имтиҳон натижалари кутилмоқда).

Сертификатлаштириш миллий тизимида жами 97 та эксперт-аудиторлар фаолият юритмоқда. 2017-2018 йиллар давомида 684 та ходим сертификатлаштирилди.

“Ўзстандарт” агентлиги билан Тошкент давлат техника университети, Тошкент кимё технология институти, Тошкент тўқимачилик ва енгил саноат институти, Тошкент фармацевтика институти ва Турин политехника университети талабалари билан амалиёт ўташ, иқтидорли кадрларни тайёрлаш ва ишга жалб қилиш мақсадида битим ва меморандумлар имзоланди. Улар асосида олий таълим муассалари билан йиллик амалиёт режалари ишлаб чиқилди.

“Ўзстандарт” агентлигида 2017/2018 ўқув йилида Тошкент давлат техника университетининг 124 нафар, Тошкент кимё технология институтининг 51 нафар, Тошкент тўқимачилик енгил саноат институтининг 12 нафар, Тошкент фармацевтика институтининг 17 нафар талабалари ишлаб чиқариш ва диплом олди амалиётини ўтамоқдалар.