Kichik gidroelektr stansiyalar (GESlar) toza, yangilanadigan va arzon energiya manbai boʻlib, deyarli yetarli suv boʻlgan joyda amalga oshirilishi mumkin. Chekka qishloq joylarini elektr energiyasi bilan taʼminlash uchun juda yaxshi yechim, uning foydasi aniq, ammo uning salohiyati deyarli amalga oshirilmagan boʻlib qolmoqda. Nashr etilgan yangi qoʻllanma hujjatlar toʻplami har qanday joyda, ayniqsa, eng zarur boʻlgan joylarda bozor rivojlanishini ragʻbatlantirishga xizmat qiladi.

Uch komponentli ISO IWA 33, Kichik gidroelektr stansiyalarini loyihalash boʻyicha texnik qoʻllanmasi, 30 MVtgacha boʻlgan kichik gidroenergetika loyihalari uchun umumiy tamoyillarni va asosiy dizayn talablarini belgilaydi.

Xalqaro ishchi kelishuvlar, shuningdek, kichik gidroelektrostansiyani tanlash boʻyicha metodologiyalar, protseduralar va natijalarga talablar kabi masalalar boʻyicha koʻrsatmalar beradi va ushbu sohada keng qoʻllaniladigan professional texnik atamalar va taʼriflarni belgilaydi.

Kichik gidroelektrostansiyalarning potensiali koʻplab rivojlanayotgan mamlakatlarda foydalanilmagan boʻlib qolmoqda va bir qator omillar, shu jumladan kichik gidroelektrostansiyalarni rivojlantirish boʻyicha eng yaxshi amaliyotlar yoki standartlarning yetishmasligi bilan cheklanib qolmoqda. Qayta tiklanadigan energiya texnologiyalarini rivojlantirishni kengaytirish iqlim oʻzgarishi oqibatlarini yumshatish uchun zarurdir va gidroenergetika bu sohada muhim yechim hisoblanadi.

Kichik GESlardan tobora koʻproq foydalanila boshlanishiga qaramay, ularni tartibga solish bilan bogʻliq koʻplab cheklovlar mavjud. Ushbu qoʻllanma qonun loyihalarini ishlab chiqishda yordam berish, shuningdek suv resurslari sohasida qoʻllaniladigan har xil turdagi mavjud tuzilmalar bilan bogʻliq bilimlar bazasini kengaytirish uchun moʻljallangan.

IWA 33 yangi xalqaro qoʻllanmasi 80 ga yaqin xalqaro ekspertlar va 40 ta xalqaro agentliklar ishtirokida ishlab chiqilgan..

Mazkur maqola Xalqaro standartlashtirish tashkilotining maʼlumotlariga asoslangan. Qoʻshimcha maʼlumot olish uchun “Oʻzstandart” agentligi Xalqaro xamkorlik boshqarmasiga yoki quyidagi havolaga murojaat qilishingiz mumkin https://www.iso.org/ru/news/ref2648.html

«Oʻzstandart» agentligi

Xalkaro munosabatlar boshqarmasi