Ўзбекистон Республикаси Президентининг 2015 йил 5 майдаги ПҚ-2343-сонли “2015-2019 йилларда энергия сиғимини қисқартириш, иқтисодиёт тармоқларида ва ижтимоий соҳада энергия тежовчи технологияларни жорий этиш бўйича чоралар дастури тўғрисида”ги Қарорини бажариш мақсадида қуйидаги Давлат стандартлари ишлаб чиқилди ва амалга киритилди

Ўзбекистон Республикасининг «Метрология тўғрисида»ги Қонунига мувофиқ  Ўзбекистон Республикаси Соғлиқни сақлаш вазирлигининг клиник муассасаларида ҳам, хусусий клиникаларда ҳам фойдаланишда бўлган тиббий ўлчаш асбоб-ускуналари ва приборлари даврий давлат текширувидан ўтказилиши керак.

«Янги давлат стандартларни ишлаб чиқиш ва амалдагиларини қайта кўриб чиқиш бўйича республика стандартлаштириш режаси»га мувофиқ Ўзбекистон Республикасининг ўлчашлар бирлилигини таъминлаш давлат тизимининг, толали-оптик алоқа линияларида ва ахборот узатишда фойдаланиладиган оптик диапазон ўлчаш воситаларини қиёслаш услубиятларини регламентлайдиган стандартлар ишлаб чиқилди.

“Метрология хизматлари кўрсатиш маркази” Давлат корхонасида ўлчов воситалари ва ускуналарини метрологик шаходатлаш (аттестатлаш), сертификатлаштириш ва синаш жараёнини ташкил этиш мақсадида «Ўлчов воситалари ва синов ускуналарини сертификатлаштириш идораси» аккредитланди.

Ўзбекистон Республикаси Президентининг 2016 йил 4 апрелидаги ПҚ-2514-сон билан, 2015 йил 29 майдаги Бурабай (Қозоқистон Республикаси) шаҳрида МДҲ ҳукумат бошлиқлари Кенгаши йиғилишида имзоланган «Ўлчов воситаларини текшириш ва калибрлаш, метрологик аттестация қилиш, турини тасдиқлаш мақсадида синов натижаларини ўзаро тан олиш тўғрисидаги келишув» тасдиқланди. Мазкур Қарор 2016 йил   11 апрел кунидан бошлаб кучга кирди. 

Ўзбекистон Республикаси Вазирлар Маҳкамасининг 2014 йил 30  июлдаги 207-сонли Қарори билан тасдиқланган “2014-2018 йилларда техник регламентларни ишлаб чиқиш дастурини амалга ошириш доирасида “Ўздонмаҳсулотлари” АЖ, Ўзбекистон Республикаси Соғлиқни сақлаш вазирлиги билан биргаликда “Донни қайта ишлаш маҳсулотлари ҳавфсизлиги тўғрисида»ги махсус техник регламент лойиҳасининг биринчи таҳрири ишлаб чиқилди.

Жорий йилнинг 30 март куни “Ўзстандарт” агентлигининг катта мажлислар залида “Озиқ-овқат ва енгил саноатда сифатни назорат қилиш учун замонавий лаборатория ускуналари” мавзусидаги семинар бўлиб ўтди.