Марказ ўз фаолиятини тасдиқланган иш режаси ва белгиланган тадбирлар асосида олиб бориб, хизматлар кўрсатиш режасини 108,1% бажарилишини таъминланди.  Ўтган 2016 йилга нисбатан таққосланганда  2017 йил I-ярим йилликдаги ўсиш суръати 130 % ташкил этади.

Фаолиятнинг асосий йўналишлари ҳисобланган стандартлаштириш соҳасида қонуний-ҳуқуқий базани такомиллаштириш, стандартлаштириш бўйича меъёрий ҳужжатлар амалиётга тадбиқ этиш, стандартлаштириш моддий-техника базасини такомиллаштириш, вазирликлар ва тадбиркорлик субеъктларига меъёрий ҳужжатлар билан таъминлашда, меъёрий ҳужжатларни ишлаб чиқишда ва ишлаб чиқилган меъёрий ҳужжатларни экспертизаси, малакали кадрларни тайёрлаш борасидаги ишларни янада жадаллаштиришга алоҳида эътибор қаратиб келинмоқда.

 “Тадбиркорлик фаолиятининг жадал ривожланишини таъминлашга, хусусий мулкни хар томонлама химоя килишга ва ишбилармонлик мухитини сифат жиҳатдан яхшилашга доир қўшимча чора-тадбирлар тўғрисида”ги Фармонни 6-банди ижросини таъминлаш бўйича келгусида бекор қилиниши режалаштирилган ва эскирган, бозор механизмларини ўрнини эгаллаб олган стандартларни хатлови ўтказилиб, “Ўзстандарт” агентлиги томонидан вазирликлар, идоралар, корхона ва ташкилотларга хатлов натижалари юборилиб, 306 та стандартлар, вазирлик ва ташкилотлардан йиғилган таклифлар асосида бекор қилинди.

Ўзбекистон Республикасининг 21498 та стандартларининг  электрон версиялари бепул фойдаланиш учун Агентлик веб-сайтига жойлаштирилди:   

  • Ўзбекистон  Давлат стандартлари (O’z Dst) 1271 та;
  • Давлатлараро стандартлар (ГОСТ) 20227 та;
  • Давлатлараро стандартлар (ГОСТ) кўрсаткичлари (каталоглари);
  • Ўзбекистон  Давлат стандартлари (O’z Dst) кўрсаткичлари (каталоглари).

I-чоракда давлат фонди жорий этилган 138 та (13,4  %) халқаро ИСО стандартлари билан тўлдирилди. Жами 2696 ГОСТ ИСОларни ташкил этади. Давлатлараро стандартлар (ГОСТ) - 162 таси идоралар билан келишиб жорий этилди. Жорий йилда хўжалик субъектлари ва корхоналар томонидан ишлаб чиқарилаётган маҳсулотларга тегишли бўлган стандартларни халқаро меъёрлар билан уйғунлаштириш мақсадида 106 та стандартлар ишлаб чиқилиб жорий этилди.