Фасллар келинчаги дея таъриф этиладиган баҳорнинг дилларга хуш ёқадиган эпкинлари ва майин саболарини севмайдиган инсон бўлмаса керак. Айниқса, кўкламнинг ташрифи билан қушларнинг сайрашидан тортиб, сувларнинг оқишларида ҳам ўзгача бир жўшқинликни ҳис этиш мумкин!

Мана шундай шукуҳли дамларда ҳар бир инсон қалбида Ватанга муҳаббат, юрт равнақи йўлида фидоийлик билан меҳнат қилишдек олийжаноб туйғулари янада кучлироқ жўш уради.

Айниқса мамлакатимиз ҳаётида юз бераётган янгиланишлар, инсонлар қалбидаги ўзгаришлар ҳеч биримизни бефарқ қолдирмайди.

“Ўзстандарт” агентлиги юртимизга кириб келган Баҳор ва Наврўз байрами билан халқимизни чин юракдан табриклайди. Ўзбекистонимиз тинч, халқимизнинг ҳаёти бундан-да фаровон бўлиши йўлида бирдамлик ва аҳиллик тилайди!