“Ўзстандарт” агентлиги томонидан ўтган йилнинг ўзида тадбиркорлик субъектларига қулайлик яратиш ва ташкилот стандартларини экспертизадан ўтказиш жараёнидаги шаффофликни таъминлаш мақсадида, ташкилот стандартларини экспертизадан ўтказиш учун тўловларни махсус жамғарма ҳисобидан тўлаб берилиши ҳисобига бепул экспертиза қилиш йўлга қўйилди.

Бугунги кунга қадар тадбиркорлик субъектлари томонидан тақдим этилган 472 млн. сўмлик 592 та ташкилот стандартлари ва уларга ўзгартиришларни экспертиза қилиш бепул амалга оширилди.

Тадбиркорлик субъектлари фаолиятини қўллаб қувватлаш, хусусий мулкни ҳар томонлама ҳимоя қилиш ва ишбилармонлик муҳитини сифат жиҳатидан яхшилаш мақсадида 912 та ташкилот стандартлари (Тs) ўрнига 18 та Ўзбекистон Республикаси Давлат стандартлари ишлаб чиқилди ва амалга киритилди.