«Ўзбекнефтгаз» акциядорлик жамияти тизимидаги бошқарма, корхона ва акциядорлик жамиятларида ISO 45001 ва ISO 14001 халқаро стандартларини жорий этиш доимий таҳлил қилиб борилмоқда.

Яқинда жамият тасарруфидаги бешта бошқарма ва «Андижоннефт» АЖ, «Шўртан газ кимё мажмуаси» МЧЖ, учта нефтни қайта ишлаш заводи, бешта нефтбаза, «Махсусенергогаз» АЖ ва «Ўзнефтгаз бурғулаш ишлари» МЧЖ, “Uz-Kor Gas Chemical” МЧЖ ҚКларда ISO 45001(соғлиқни муҳофаза қилиш ва меҳнат хавфсизлиги) ва ISO 14001(экологик менеджмент) халқаро стандартларининг фаолияти таҳлил қилинди ва стандартларни бошқариш бўйича амалий ёрдам берилди.

Шунингдек, таҳлил жараёнида 12 нефтбаза (Жиззах, Гулистон, Термиз, Бухоро, Урганч, Тахиатош, Мароканд, Андижон, Фарғона, Турақўрғон, Қарши ва Навоий) корхоналарига хавфлиликни идентификациялаш, хавфлар ва рискларни баҳолаш реестрини ишлаб чиқишда ҳам амалий кўмак кўрсатилди.

Устюрт газ қазиб чиқариш, Муборак ва Газли нефть ва газ қазиб чиқариш бошқармаларида стандартлар татбиқ этиш ишлари ўтказилади.

Устюрт ГҚЧБ, «Устюрт қидирув бурғулаш бошқармаси» МЧЖ, «Урганч нефть базаси» МЧЖ объектлари бўйича ISO 45001 ва ISO 14001 халқаро стандартлар талаблари шу йилнинг учинчи чораги охиригача жорий этиш кўзда тутилган.