Бугун Тошкентдаги Турин политехника университетида Германиянинг "Hexagon Manufacturing Intelligence" компанияси томонидан "Ишлаб чиқаришда метрологик таъминот" мавзусида 4.0- Индустрия форуми бўлиб ўтди. Мазкур форумда компания томонидан электротехника, авиясозлик, қурилиш, машинасозлик соҳаларида маҳсулот ишлаб чиқарувчи корхоналарда, ўлчаш ва синаш лабораторияларида қўлланиладиган энг замонавий ўлчаш воситалари ҳамда контактли ва лазерли сканер қурилмалари ҳақида батафсил маълумотлар берилди.

Форум сўнгида, компания мутахассислари билан Ўзбекистон миллий метрология институти ва компания ўртасида йўлга қўйилган ҳамкорликни янада ривожлантириш юзасидан фикр- мулоҳазалар алмашилинди.