Агентлик ҳузуридаги ташкилотларнинг Навоий вилоят филиаллари томонидан жорий йилнинг ўтган даврида 272 та тадбиркорлик субъектларида техник жиҳатдан тартибга солиш, стандартлаштириш, сертификатлаштириш ва метрология соҳасидаги қонун бузилиши олдини олиш бўйича ўрганиш ишлари амалга оширилди.

Ўтказилган тадбирларда 140 та тадбиркорларга 240 та стандартлар ва техник регламентлар билан таъминлаш бўйича амалий ёрдам кўрсатилди. Бундан ташқари, маҳсулотларнинг ишлаб чиқаришда сертификатлаштириш юзасидан 77 та тадбиркорлик субъектларига амалий ёрдам кўрсатилди. Шунингдек, вилоятдаги экспортёр корхоналарга экспорт қилиш жараёнида чет давлатларнинг талабларини етказиш бўйича тизимли ишлар олиб борилмоқда.

Вилоятда ҳозирги кунга қадар 556 та корхоналарга сифат менежмент тизимлари жорий этилди. Бундан ташқари, янги ташкил этилаётган корхоналарга кўмаклашиш, халқаро стандартларни жорий қилиш бўйича 32 та корхоналарнинг манзилли дастури тасдиқланди.