O‘zbekiston Respublikasi Vazirlar Maxkamasining 2014 yil 30 iyuldagi 207-sonli qarori bilan tasdiqlangan 2014-2018 yillarda texnik reglamentlarni ishlab chiqish dasturiga muvofiq, Vazirlar Maxkamasining 2017 yil 6 oktyabrdagi 801-sonli qarori Liftlar xavfsizligi to‘g‘risidagi umumiy texnik reglamen tasdiqlandi.

Umumiy texnik reglament inson hayoti va sog‘lig‘i, yuridik, jismoniy shaxslarning va davlatning mol-mulki xavfsizligini ta’minlash, xamda mahsulotlar, iste’molchilarni chalg‘ituvchi harakatlarning oldini olish maqsadida liftlar uchun xavfsizlik talablarni belgilaydi.

Umumiy texnik reglamen talablari yuk ko‘tara olish qobiliyati 40 kg va undan yuqori bo‘lgan elektr va gidravlik liftlar uchun taalluqli hisoblanadi.

Umumiy texnik reglamentlarda quyidagi xavfstzlik talablari belgilangan:

- konstruksiya uchun xavfsizlik talablari;

- elektr qurilmalar uchun xavfsizlik talablari;

- yong‘in xavfsizligi talablari;

- shaxtalar va lift qurilmalari uchun mo‘ljallangan xonalar uchun xavfsizlik talablari;

- nogironlar va alohida aholi qatlamlarini tashish uchun talablar;

- yo‘l qo‘yiladigan shovqin va tebranish tezligi darajalari;

- ilova qilinuvchi hujjatlarga talablar;

- yorliqlash va o‘rab joylashga talablar.



Bundan tashqari ushbu umumiy texnik reglamentda liftlarni montaj qilish, foydalanishga kiritish, davriy va texnik xizmat ko‘rsatish, hamda texnik ko‘rikdan o‘tkazish bo‘yicha ishlarni o‘tkazilishi ko‘rsatib o‘tilgan.