Ўзбекистон Республикаси Президентининг “Техник жиҳатдан тартибга солиш, стандартлаштириш, сертификатлаштириш ва метрология тизимларини янада ривожлантириш чора-тадбирлари тўғрисида”ги Қарори асосида, халқаро аккредитация ташкилотлари (ILAC, IAF) га аъзо давлатларнинг сертификатлари тақдим этилганда, тадбиркорлик субъектлари ўзларининг ишлаб чиқариш эҳтиёжлари учун олиб кирадиган махсус ва қишлоқ хўжалиги техникаси, технологик ускуналар ва уларнинг бутловчи ва эҳтиёт қисмлари, ноозиқ-овқат хом ашё, материаллар ва буюмлар мажбурий сертификатлаштиришдан озод қилинди.
Шунингдек, тадбиркорлик субъектларининг ишлаб чиқариш эҳтиёжлари учун олиб кириладиган ўлчаш воситаларига мувофиқлик сертификатини тақдим этмаган ҳолда, уни икки ой давомида ўрнатилган тартибда олиш шарти билан божхона ҳужжатларини расмийлаштиришга рухсат этилди.