Халқимизда «устоз отангдек улуғ» деган гап  бежиз айтилмаган. Дарвоқе, устоз деганда  инсон кўнглида эҳтиром ва чексиз миннатдорлик пайдо бўлиб, бу ёруғ оламда онадек меҳрибон, отадек ғамхўр,  азиз ва муҳтарам бўлган улуғ зот бу-устоз ва мураббийлардир.

Агентлик тизимидаги Ўзбекистон миллий метрология институти, Фарғона филиалида «Сизга таъзим, азиз устозлар» мавзусида маънавий–маърифий тадбир ўтказилди. Учрашувда масъуллар  метрология соҳасида 40 йилдан ортиқ меҳнат қилиб, ҳозирги кунда ўнлаб шогирдларга устозлик қилиб келаётган Шалверова Зера Мидатовнани  байрам билан табриклади.  Шунингдек маърифий учрашувда З.Шалверованинг шогирдлари  устозга ўзларининг чуқур миннатдорчиликларини билдириб, байрам билан чин дилдан табрикладилар. Тадбир якунида устозга эсдалик совғалари  топширилди.