Ўзбекистонда сўнгги вақтларда Европа Иттифоқи давлатларига  қишлоқ хўжалиги, текстиль  ва қурилиш маҳсулотларини экспорт қилишга жиддий эътибор қаратилмоқда. 

Ушбу турдаги маҳсулотлар экспорти билан шуғулланадиган ишлаб чиқарувчи корхоналарга қулайлик яратиш мақсадида, Ўзбекистон Республикасининг Буюк Британия ва Шимолий Ирландия Бирлашган Қироллигидаги элчихонаси ва “Ўзстандарт”  агентлиги ҳамкорлигида  Pride in Food  (Буюк Британия)  компанияcи вакиллари билан видеоконференция ўтказилди. 
Учрашувда  маҳсулотларни Буюк Британия ва Европа Иттифоқи бозорларига экспорт қилишда Pride in Food томонидан кўрсатиладиган консалтинг хизматлари,  Европа давлатларининг маҳсулотларга қўйган талаблари, синов лабораториялари ишларини ташкил этиш ва уларни халқаро даражага олиб чиқишда  хорижий экспертларни жалб этиш бўйича  фикрлар алмашилди. 
Тадбирда иштирок этган “Rovot Qurilish Fayz” МЧЖ ва  “Qodir ASR Agro” фермер хўжалиги вакиллари ўзларининг қизиқтирган саволларига Pride in Food  (Буюк Британия)  компанияcи мутасаддиларидан атрофлича жавоб  олдилар.
Агентликнинг Халқаро муносабатлар бошқармаси таъкидига кўра, маҳаллий корхоналар томонидан ишлаб чиқарилган махсулотлар бўйича керакли маълумотлар тайёрланиб Буюк Британия экспертларига қисқа муддатларда тақдим этиш ва соҳа йўналишларида кенг кўламли  ҳамкорлик қилишга келишиб олинди.