2018 yilning 12 dekabrida O‘zbekiston Respublikasi Prezidentining №PQ-4059 sonli "Texnik jihatdan tartibga solish, standartlashtirish, sertifikatlashtirish va metrologiya tizimlarini yanada rivojlantirish chora-tadbirlari to‘g‘risida» gi qarori standartlashtirish, metrologiya va muvofiqlikni baholash sohasidagi xalqaro ekspertlar tomonidan keng muhokama etilmoqda.Xalqaro standartlashtirish tashkiloti (ISO), A’zo davlatlar departamenti rahbari Pamela Tarif “Albatta ISO xalqaro standartlari texnik qo‘mitalar tomonidan ishlab chiqiladi, ular sanoatni rivojlantirish, texnik va iqtisodiy sohalar bo‘yicha mutaxassislarni o‘z ichiga oladi. O‘zbekistondagi mavjud texnik qo‘mitalarni ISO texnik qo‘mitalarda faoliyatini tubdan yaxshilashga qaratilgan ushbu qaror, standart tizimida muhim o‘rin tutadi. ISO ning mavjud texnik qo‘mitalarida standartlarni ishlab chiqishda o‘zbekistonlik ekspertlarni bevosita ishtirok etishi, ishlab chiqaruvchilarga sifat infratuzilmasini yaxshilash, xalqaro standartlarni tatbiq etish va xalqaro bozorlarga chiqishda ko‘mak beradi. ISO tashkiloti rivojlanayotgan davlatlarga sifat infratuzilmasini rivojlantirishda amaliy ko‘maklashishga doim tayyor.”