Ўзбекистон Республикасининг “Стандартлаштириш  тўғрисида” ги қонунига 2013 йил 30 апрелда “Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги Ўзбекистон Республикаси Қонуни билан киритилган ўзгартиришларга асосан,Ўзбекистон Республикасида стандартлаштиришга доир  қуйидаги тоифадаги норматив ҳужжатлар қўлланилиши белгиланган:
халқаро(давлатлараро, минтақавий) стандартлар;
Ўзбекистон Республикасининг давлат стандартлари;
ташкилотнинг стандартлари;
хорижий мамлакатларнинг миллий стандартлари.

Вазирлар Маҳкамасининг машинасозлик, электротехника ва авиация саноатини ривожлантириш ва маҳсулотларни стандарташтириш масалалари Комплекси таркибидаги идора ва хўжалик бирлашмалари раҳбарларининг 2015 йил 2-ярим йиллик учун Қорақалпоғистон Республикаси ва вилоятлардаги шаҳар ва туманларда жисмоний ва юридик шахслар вакиллари сайёр қабул режасига асосан, “Ўзстандарт” агентлиги раҳбариятининг мазкур масаллар юзасидан сайёр қабули давом этмоқда.  

"Ўзстандарт" агентлиги 2015 йил 1 августидан O‘z DSt 8.029:2014 "Ўзбекистон Республикасининг ўлчашлар бирлигини таъминлаш тизими. Ўлчаш воситаларини калибрлаш. Асосий қоидалар" давлат стандарти амалга киритилганлигини маълум қилади.

Ўзбекистон Республикаси Вазирлар Маҳкамасининг 2015 йил 9 апрелдаги 86-сонли "Республикада сотиладиган маиший электр приборларини, янгидан қуриладиган бинолар ва иншоотларни энергетика жиҳатидан мажбурий маркировкалаш ва сертификатлаш тизимини жорий этиш чора-тадбирлари тўғрисида" қарорининг ижросини таъминлаш мақсадида O'zDSt 3017:2015 "Маиший ва бошқа энергия сарфлайдиган қурилмаларнинг энергетик самарадорлиги ва уларни тамғалаш" Ўзбекистон Республикасининг давлат стандарти қабул қилинди.